Archive for September 17th, 2021

NIGERIA O! – MARY DANIEL-AMPUTEE PURE WATER- USES GIFTS MONEY TO BUY HOUSE O! -REAL NAME IS Ojonugwa Blessing Onuh

September 17, 2021


Mary Daniel house: Lagos amputee hawker showcase her dream property she buy for N17.5m
17 July 2021
Many Nigerians don enta social media to congratulate 27 year old amputee Mary Daniel as she do di official opening of her house and di construction of her sachet water company for Igando area of Lagos state, Nigeria on Saturday.

Mary Daniel bin go viral earlier dis year afta fotos show as she dey struggle to sell ‘pure water’ (sachet water) for di streets of Lagos.

Her tori bin gain plenty public sympathy especially on social media wey make many pipo plus Lagos state goment donate money give her.

She bin dey sell water for inside traffic for di ever busy Oshodi area to take support herself and her daughter.

Di Kogi state born lady say she receive donation of N25m afta her tori go viral.

During di house warming ceremony, Ms Daniel say she buy di new apartment wit N17.5m and she also dey build pure water factory inside di compound wey go almost complete.

According to her, wetin dey left to complete di pure water factory na water tank, flooring, electrical work and roofing.

She say she need di help of Nigerians to complete di water factory.

“Na dream come true for me, as now I go fit do my own business and give my daughter di education wey I no get.” she add.

Mary Daniel wey her real name be Ojonugwa Blessing Onuh tell tori pipo say she change her name to Mary Daniel afta family disown her.

She open up more about di accident wey make dem amputate her leg.

Ms Daniel say na for 2006 wen dem still dey live for Katsina state, she bin go sit for where dem dey pump tyre and na from there she get di accident wey affect her leg.

“Na for 2006, we bin dey live for Katsina state that time when I get di accident wey affect my legs. One vulganizer dey di house where we dey live and e always dey keep im tyre for di house. I wake up one morning go sit under di tyre. for Katsina, di next thing the tire just burst and her leg scata. Dem say if she no amputate di leg, she go die na why she amputate di leg.

She also tok say her her parents no die for accident as she first claim.

She say her mama die for 2012 afta she attend one burial. She die three days later afta she complain of headache.

Ms Daniel say she and her grandmama no still dey in good terms afta she comot to say di tori she tok wey make her go viral na lie.

Mary Daniel life change for di beta afta her fotos trend for social media and BBC Pidgin and oda news media carry her tori.

For di interview she get wit BBC Pidgin, she say she loss one of her legs wen she dey 11 year-old for one accident wey kill her papa, mama and oda pipo for di vehicles.

She reveal say she get one pikin and old grandma wey she dey take care of na why leave Asaba come Lagos to begin dey hustle and do odd jobs to cater for herself, her baby and grandmama.

Di job include make she dey sell pure water and according to her “Sometimes pipo dey carry my money waka, sometimes motor dey even hit me wen I dey sell pure water.”

Her tori move plenti Nigerians and dem begin donate money to her wey don reach twenty-five million naira.

E no tey afta, tori comot say her papa still dey alive say she lie. She explain give BBC Pidgin say why she tok say her papa don die na because e no send am.

Her tori bin also generate some serious argument wey make di Lagos state goment hand her over to di leader of di Igala (Kogi state) community for Lagos.

Another thing we de for inside dis tori
Video,Mary Daniel: Di amputee hawker wey bin dey sell ‘pure water’ for Lagos
13th April 2021
Mary Daniel: We only hand di 26 byear-old amputee ‘pure water’ seller ova to her pipo, we no hold her money – Lagos Goment

BLACK PEOPLE O! – GREAT MIGRATION BACK TO THE SOUTH-A SAFER PLACE ?

September 17, 2021

https://www.google.com/url?rct=j&sa=t&url=https://www.inquirer.com/life/inq2/black-america-migration-wildest-dreams-20210915.html&ct=ga&cd=CAEYAioTNjk3ODAyNjM1Mzk5NjYxMzg4MTIaNGRhZGI4ZDk1ZjhiYWZlNzpjb206ZW46VVM&usg=AFQjCNEjZGY4m6h743_wUxw1_QNDPf2Q4g


%d bloggers like this: